Петар Печков

Објавено: четврток, 20 јули 2017 1415 300

Средата  попладне нова заедничка акција на велешката полиција и шумската полиција на теренот на планината Мукос, на стариот пат од Велс кон Прилеп. И повторно како и две години наназад кај селото Степанци, фатена е група на прилепчани како нелегално сече дрвја.

Во времето од 16.30 до 23.30 часот во атарот на с.Степанци, кај м.в. „Дервен“, од страна на  полициски службеници од ПС ОН Велес и ПО Чашка во координација со Шумска Полиција  е извршена контрола на теренот со цел да се утврди дали има лица кои вршат бесправна сеча на шумата.  Притоа се затекнати пет лица како бесправно сечат и превезуваат огревни дрва. Тројца од нив се фатени и се работи за А.И.(30), Џ.М.(24), Т.М.(28) сите од Прилеп и две непознати лица кои се дале во бегство, и не се пронајдени, со вкупно околу 8 кубни метри огревни дабови дрва. Трите запрежни возила, еден патнички автомобил марка „Лада“ без регистерски ознаки и алатот со кој е извршено кривичното дело заедно со иссечените дрва се одземени од страна на припадниците на Шумска полиција – Велес – пишува во информација од СВР Велес.  

Изминатите години во повеќе акции беа фатени десетици лица, сите без исклучок прилепчани, кои ја сечат шумата.

Нелегално пресечените  дрвја ги товараат во автомобили марка ,,лада,, и потоа ги препродаваат. Познавачите сметаат дека тие се дел од органзирана мрежа, зад која стоја лица кои го собираат најголемиот дел од  парите од продажбата.