Петар Печков

Објавено: вторник, 04 јануари 2022 1315 114

Три дена по дочекот на новата година, таман толку време да се појават и првите симптоми на ковид-19, и во велешко скокна бројот на нови случаи со корона вирусот.

Министерството за здравство соопшти дека изминатите 24 часа е регистрирани 31 случај а оздравени се четворица. Со ова бројот на активни случи порасна на  130. Од таму информираат дека има починато лцие на 68 годишна возраст, кое се лекувало на скопските клиники а било позитивно на ковид-19. Тоа е 280-та жртва на ковид-19 во велешко.

Порасна и бројот на хоспитализирани пациенти во двете одделенија од велешка Болница. денес претпладне таму  се 23 пациенти, тројца повеќе од вчера и седум од неделата. Примен е еден пациент, испишани како оздравеени нема.
„На Инфективното одделение има 13 пациенти кои се позитивни, непотврдени има тројца и негативни, но со потреба од продолжени лекување има седуммина. На кислородна поддршка се 12 пациенти“ - кажа д-р Eлена Левкова Ќулумова.

На Инфективно одделение згрижени се 16 а на Интерно одделение седум пациенти.