Петар Печков

Објавено: сабота, 11 декември 2021 366 106

Изминатите 24 часа  има регистрирано 15 нови случаи со ковид-19 во велешко и петмина  оздравени лица. Ова се податоците кои ги објави  Министерството за здравство.  Бројот на активни случаи во велешко е 177 лица.

Во двете  ковид одделенија од велешка Болница  претпладнево  имаше згрижено 32 пациенти,  четири повеќе од  вчера.  Од нив 19  се потврдени позитивни   со ПЦР тест, непотврдени се четворица   и негативни се деветмина, но со здравствени проблеми, па  имаат потреба од здравствена заштита.

„Примени се четири нови случаи, сите трансферирани од Интерно одделение, испишани како оздравени нема.  На  континуирана кислородна поддршка се 20 пациенти“ - кажа д-р Елена Левкова Ќулумова, портпарол на велешка Болница.

На Инфективно одделение згрижени се 25 пациенти и седуммина  на Интерно.