Петар Печков

Објавено: четврток, 06 јануари 2022 489 102

Министерството за здравство соопшти дека изминатите 24 часа во велешко се регистрирани 16 случаи на ново заразени со ковид-19  а оздравени се 11 пациенти. Со ова бројот на активни случи се искачи  на  142 лица. Нема починато лице од велешко, од последиците на корона вирусот.

Бројот на хоспитализирани во двете одделенија од велешка Болница, денес претпладне е 21 пациент, двајца помалку од вчера. Примени се двајца пациенти, испишани со по еден негативен тест се четворица.

„Има девет пациенти кои се позитивни, непотврдени се  двајца  и 10 се негативни, но со потреба од продолжено лекување. На кислородна поддршка се 11 пациенти“ - кажа д-р Eлена Левкова Ќулумова, портпарол на велшка Болница.

На Инфективно одделение згрижени се 14 а на Интерно одделение седум пациенти. Слободни болнички кревети се 36.