Петар Печков

Објавено: недела, 08 ноември 2020 2048 126

Нови 48 заразени со ковид-19 регистрираше денес, недела,  Центар за јавно здравје од Велес, оздравени нема.

Со ова бројката на вкупно заболени во велешко е 1166 лица а  активни  случаи во велешко има 720 пациенти.

Од нив 661 се на домашно лекување, 51 на Инфективно во велешка Болница, две родилки се на ГАК, двајца пациенти во ГОБ 8-ми септември во Скопје и четворица на приватна клиника во Скопје.

Вкупно хоспитализирани се 54 пациенти на Инфективното одделение и одделението за физикална медицина, 50 се потврдени позитивни и 4 сомнителни а 18 пациенти се на кислородна поддршка. На интерно одделение двајца сомнителни.

Починат е маж од Велес,  позитивен на ковид-19, на 73 години возраст, примен во Болница  пред пет  дена. Тој е 40-та жртва на корона вирусот.  Лицето на 79 годишна возраст, кое Министерството за здравство го води како втор починат велешанец, денес недела, беше тоа кое вчера, сабота  беше пријавено за починат од страна на Велешката Болница а го немаше во збирната бројка починати на Министерството за здравство за сабота.