Петар Печков

Објавено: четврток, 26 јануари 2023 5580 50

Новите 12 станари ги добија клучевите од нивните домови во населбата Хабитат Македонија, која е изградена во Велес. Предадена на користење  беше шеста од предвидените 11 згради. Досега за 15 години, има обезбедено станови за 48 семејства со ниски примања. Тие се изградени од американската  невладина  и непрофитна организација „Хабитат“.

„Во изградбата на овој  објектот, покрај материјалите  е вложено многу пот, љубов. Иако се гледа како објект, тоа е дом за 12 фамилии“. - кажа Тик Хатавеј извршен директор на Хабитат за Европа.
 Изградбата на населбата „Хабитат“  започна есента 2008 година. Досега за овие години во работата волонтирале 1,7 илјади лица од цел свет, од сите континенти.   

„Оваа зграда е  градена од волонтери, со различни земји со различно  етничко, верско потекло.  Тоа ја истрајува мојата верба за изградба на општество еднакво  за сите. Мисијата на Хабитат секој да има пристојно живеалиште ја дели и Владата“ - изјави   Фатмир     Битиќи заменик на претседателот на Владата задолжен за економски прашања.

Клучевите од новите домови ги добија 12 станари.

„Сакам да се заблагодарам и да ја споделам радоста за добивањето на нов дом за моето и нашите семејства.  Во името на сите станари големо фала за сите волонтери од цел свет, што ни овозможија да имаме топол дом“ - рече  Сашко Трајковски, еден од новите сопственици на становите.  

Големината на становите е од 45 до 68 квадрати.