Петар Печков

Објавено: вторник, 23 мај 2023 1007 35

Велешкото обвинителство поднесе обвинителен предлог  против О.К. (42 год) од Велес и Н.К. (46 год). 

О.К. е обвинето е за кривично дело  „Посебни случаи на фалсификување исправа“ од член 379 став 1 точка 2, како и за кривично дело – Употреба на исправа со невистинита содржина согласно член 280 став 1 од Кривичниот законик, додека вториот обвинет  Н.К. се товари дека му помогнал да ја употреби исправата со невистинита содржина.

„На 6 март, во простории на СВР Велес, првообвинетиот измамил две лица, наведувајќи ги да се потпишат наводно на пристапници за зачленување во Независниот синдикат на полиција, а притоа им поделил пристапници за тогаш се уште неформираниот Синдикат на полиција во Македонија. Ваквите исправи, со помош на вториот обвинет, првообвинетиот ги искористил за упис и регистрација на синдикалната организација. Кон барањето за регистрација на синдикатот биле приложени записници од наводно одржано основачко собрание на Синдикат на полиција во Македонија со список на присутни, иако такво основачко собрание воопшто не било одржано“- соопштија од ОЈО Велес.

Бидејќи станува збор за обвинителен предлог, не акт, нема оценка од кривичниот совет, па во најскоро време се очекува да биде закажано и првото рочиште за овој предмет во Основен суд Велес.