Петар Печков

Објавено: понеделник, 04 мај 2020 6747 174

МВР информираше за три настани кои се случија продолжениот празничен викенд, во велешко.  

На 2-ри мај  во 14,30 ч. било пријавено дека истиот ден околу 9 часот во нива во село Чичево- на место викано “Подколец“ М.В.(47) од Косово, кој работел како најмен овчар се обидел да изврши обљуба врз 16 годишен малолетник. Детето успеало да избега - соопшти МВР.

Осомничениот бил приведен во полициска станица, известен е Јавен обвинител и се превземаат мерки за расчистување на случајот.

На 3-ти мај  во СВР Велес е пријавено дека во 02.30 часот во село Ореше настанал пожар на возило „опел зафира“, со скопски регистарски ознаки, сопственост на Б.Н.(40) - соопшти Верољуб Додевски, портпарол на СВР Велес.  Извршен бил увид на местото на настанот, по што ќе бидат познати причините за пожарот.

На 3.-ти мај . околу 9.30 часот на ул.„Прохор Пчински“, во близина на црквата „Св.Спас“ во Велес, по претходна расправија во сообраќајот, Д.Л.(28) бил физички нападнат од Д.А.(32), и двајцата од Велес. По целосно документирање на случајот, против пријавениот ќе биде поднесена соодветна пријава - информираше  Додевски.