Петар Печков
Објавено: четврток, 16 август 2012
Илинден 1903 и АСНОМ 1944 се камен темелникот на Македонската држава и вековната борба за сопствена држава. На 18 август пред 68 години На Славеј Планина, Дебарца, од припадници на Битолско-преспанскиот НОП одред „Даме Груев“, од Велешкиот НОП одред „Димитар Влахов“, од Прилепскиот НОП одред „Ѓорче Петров“ и од новодојдени борци од територијата на Дебарца, се формира Првиот македонски НОП баталјон „Мирче Ацев“. Тоа е првата регуларна единица на НОВ, настан кој се одбележуваа како ден на Армијата на Република Македонија.
Изминатите 20 години сопствена држава, се раст и развој на Армијата. Таа во овој период ја создаваше сопствената но и историјата на државата. По успешната трансформација се создаде мала и мобилна но добро обучена армија, респектабилен партнер на НАТО. Таа со својот придонес во мирот во светот одамна го заслужува членството во оваа организација. Во времето на НОВ имавме 20 бригади, три корпуси со 66 илјади борци од кои 24 илјади ги положија своите животи – рече Љупчо Костовски командант на велешката Команда за обука. Во рамките на обележувањето на 18-ти август денот на АРМ во велешката касарна Алексо Демниевски Бауман беше отворена изложбата на црно-бели фотографии на Велес, некои стари и по 150 години.
| Tweet |
