Петар Печков

Објавено: четврток, 11 декември 2014 943 253

Велешанецот Методи Вељанов деновиве по пошта го доби  одговорот по барањето за добивање на месечен стечаен  надомест се до пензионирањето. Решението е негативно. Вељанов работеше во тогашната спортска сала 25 мај.  

Иако тој на увид ги нуди  документите каде е пишано дека Вељанов заминува како технолошки вишок од ЈП за стопанисување  за спортски објекти на РМ, во добиениот документ пишува дека не ги исполнува условите.

Ме одбија дека немам право на паричен надомест, бидејќи сум  заминал од работа по моја вина.  Во одлуката од 2005-тата која тогаш ни беше врачена,  пишува дека ние деветмина  добиваме престанок на работен однос поради економски  и структурални причини и се прогласуваме за технолошки вишок. Потоа ова исто Биро или Агенција за вработување ми одобрува исплата на паричен надомест во следната година дена  во висина од 50 отсто од републичкиот просек. И сега по девет години истата Агенција не ми одобрува месечен  надомест  оти сум заминал од работа по моја вина, иако не напуштија од работа – вели Вељанов.

Тој преку неговиот адвокат поднел жалба на ова решение и чека одговор, дали повисокиот орган ќе реши во негова корист. Додава дека не е само тој што извисил во однос на добивањето на стечаен надоместок, имало и други вакви примери на лица кои работеле повеќе од 25 години во јавна  администрација или државни претпријатија  а не добиле месечен стечаен надоместок.