Петар Печков

Објавено: четврток, 26 јануари 2017 954 303

Денешното рочиште во Основен суд Велес, за отворање на стечај во АД Црвени Брегови – Неготино се одложи.  Ова е по постигнат договор помеѓу доверителот и должникот.  

Има договор за испата на долгот.  Кога ќе се исплати ќе се повлече  барањето за отворање на стечај. Сега се одложи рочиштето – изјави адвокат Гроздан Сутинов, застапник на доверителот.

На велешка фирма, АД Црвени Брегови, која има големи површини под лозја, му должи 27 милиони денари.  Во овој предмет има именувано и предстечаен  управник тоа е  Димитар Аџиев од Штип. Сметката на должникот била блокирана повеќе од два месеци.

Истата велешка фирма има доставено барање за одење во стечај и на АД Вардар Градско, каде побарува 54 милиони денари.   Рочиштето за овој предмет во Основен суд Велес е закажан за 2-ри февруари. И таму сметката е блокирана повеќе од два месеци.  И двете фирми кои се во предстечајна постапка се на Минчо Јорданов, кој важи за меѓу најбогатите Македонци.