Петар Печков

Објавено: среда, 30 април 2025 1082 53

Основниот суд во Велес на неговата веб страница објави дека е одобрен обвинителниот акт за едно лица, кое е обвинето за рушењето на зградата на Работничкиот универзитет „Благоја Страчковски“.

„Предметот К-ООА.бр.17/25 е формиран по поднесен oбвинител акт спрема физичко лице и oбвинителен предлог спрема правно лице. Во наведениот предмет e донесено решение со кое се одoбрува обвинителниот акт“ – соопштија од Основен суд Велес.

Обвинителниот предлог кон правното лице не се разгледува пред Кривичиот совет, туку оди дирекно на судење.

Обвинението за физичкото лице е за - Тешки дела против општата сигурност од член 292 во врска со член 289, а за правното лице за - Предизвикување опасност при градежни работи од член 289 став 3 во врска со став 1 од Кривичниот законик.

Останува наредните денови по АКМИС системот да се распредели предметот кај судија, по што тој ќе закаже термина за првото рочиште.