Петар Печков

Објавено: вторник, 11 август 2020 4332 138

Денес претпладнево,  на паркингот пред Општа Болница Велес опожарен е автомобил марка „матиз“.  Според сведоците тоа се случило околу 9,20ч.  додека автомобилот  бил во движење а возачот излегол навремено. Опожарен е предниот дел од колата. 

Прв на помош притекнал вработениот од влезот на Болницата, кој повикал и пожарна. Иако биле на терен во Превалец, една екипа од ТППЕ дошла на местото од пожарот. 

Наша екипа е повикана поради пожар на автомобил кој бил во кругот на Болницата. Четворица пожарникари и едно возило учествуваа во гаснењето на огнот.  Тие го локализираа на време и ќе беше голема опасност ако огнот ја зафатеше боцата со плин од автомобилот- изјави Љупчо Лепидовски, командир  на ТППЕ Велес.

Возачот, воедно и сопственик на возилото, кое не било такси,  немал повреди освен силната вознемиреност и стрес што го доживеал.