Петар Печков
Објавено: четврток, 05 декември 2019
Кавадарчанецот Благој Пешиќ (69 год) доби осум години затвор за полов напад врз дете, кое не навршило 14 годни. Ова е пресудата, која во Основен суд Велес му ја изрече судијата Шефшет Адеми откако Пешиќ беше прогласен за виновен. На изрекувањето на пресудата беше присутен обвинетиот, кој негираше дека е сторител.
Ја прифаќам, но не се согласувам. Јас сум невин и ќе се жалам на Апелација - кажа по изрекувањето Благој Пешиќ. Пресудата и затворска казна од осум години ја слушна и мајката на оштетеното девојче, кој веднаш по изрекувањето ја напушти судницата. Пресудата не е правосилна.
За настанот за кој му се судеше на обвиениот Пешиќ, МВР информираше преку нивниот дневен билтен од 29 март 2017 година дека во Полициска Станица Кавадарци пријавен е полов напад врз тринаесетгодишна ученичка од Кавадарци од страна на нејзиниот тренерот по стрелаштво. Тој во повеќе наврати во последните три месеци вршел обљуба врз ученичката, а последен пат дента околу 18 часот.
| Tweet |
