Петар Печков

Објавено: петок, 02 март 2018 713 313

Вчеравечер, четврток,  во Ликовен салон Велес,  беше  отворена биеналната изложба на цртеж “Скици 2017“. Изложбата е во организација и координација со НУ Центар за култура “Трајко Прокопиев - Куманово. Изложбата содржи 15 цртежи работени во повеќе ликовни техники. 

Идејата на ова седмо издание на  изложбата е да се промовира цртежот. Целна група беа акдемските сликари од Куманово, годинава вклучивме  графичари и скулптори. Делата се работени за некои проекти на уметниците, цртежот е појдована основа која еволуира, скица, база  за подоцна да направат дело. Тие на оваа изложба се третирани, не како скции, туку како независно уметничко дело и потоа овие скции им ги враќаме - рече  Роберт Цветковски, историчар на уметноста. 

Делата се работени во акварел, молив, туш, акрил. 

Учеството на 15-те автори, овозможува широк дијапазон, различни приоди и токму оваа различност дава динамика, разиграност, варијабилност на целокупната  концепција на изложбата - рече Анита Василкова Мидоска  в.д директор на велешки музеј. Изложбата ќе биде отворена следните две седмици.