Петар Печков

Објавено: вторник, 21 февруари 2023 134 33

Пет дена по ред воздухот во Велес е со високи вредности, поголеми од граничните вредности. Апаратите на Министерството за животна средина од мерно место Тунел измериле  ПМ 10 честички на 16 февруари  -114,9 мг/м3,  17 февруари  110,7 мг/м3, 18.02 -145,9 мг/м3 , 19.02 - 123,5мг/м3, 20 февруари - 120,2 mg/m3.

Со ваквата состојба надминат е прагот на информирање кој е 100 мг/м3 два дена последователно. За ова информираа од Општина Велес со препораки до граѓаните.

„Да не се користи прегорено отпадно масло за загреваіъе на простории, лакирани или обоени отпадоци од дрво и мебел, стиропор, ПЕТ амбалажа, парчиња гума и било каков синтетички материјал, рано наутро и доцна навечер да се избегнува долготрајна изложеност на отворено, да се користи суво огревно дрво и редовно да се чистат оцаците, да се користи јавниот превоз, возилата да не се користат без поголема потреба и повеке лица да се возат со едно возило во исто време“- соопштија од локалната власт.

Оваа зима  и во периодот 8 до 11 февруари, четири дена беше надминат прагот на информирање, кога беа измерени  вредности над 100 мг/м3 . На  08.02 -125,4 мг/м3,  09.02 -148,02 мг/м3, 10.02 -141 мг/м3 и  11.02- 108 мг/м3.

Прагот на алармирање  е кога во текот на два последователни дена се измерени количества на ПМ 10 честички  над 150 мг/м3.