Петар Печков

Објавено: четврток, 24 октомври 2024 152 5

Веном: Последниот танц- американски акционен фим, за супер јунаци. Том Харди се враќа како Веном, еден од најдобрите и најсложени ликови на Марвел, за последниот филм во трилогијата. Еди и Веном се во бегство. Ги ловат обата нивни света и како што мрежата се затвора, двојката е принудена да донесе страшна одлука што ќе ја спушти завесата на последниот танц на Веном и Еди.

Хоророт „Насмевка2“  е исто така премиера и најгледан во светот изминатиот викенд. Подготвена да започне новa турнеја, младата поп ѕвезда Скај Рајли (Наоми Скот) почнува да се справува со најстрашниот и необјаснив настан. Обземена од ужасите и притисоците на славата, Скај е принудена да се соочи со своето мрачно минато за да ја врати контролата врз нејзиниот живот пред да излезе од контрола. 

Уште еден хорор „Терифиер 3“. Кловнот Арт  подготвува хаос за жителите на округот Мајлс, додека тие мирно спијат за Бадник. Филмот се прикажува две седмици во светот, првата беше најгледан а мината се симна на третото место.  

Биографската „Приказна на Трамп“  е приказната за тоа како младиот Доналд Трамп ја започнува својата бизнис кариера со недвижности во Њујорк во 1970-тите и 1980-тите години, со помош на озлогласениот адвокат Рој Кон. Премеиерата е каком и во Велес од овој викенд. 

Анимираниот „Дивиот Робот“ е исто така нов филм, две седмици на второто место по гледаност во светот.  По бродолом, интелигентниот робот наречен Роз се наоѓа заглавен на ненаселен остров. За да преживее во суровата околина, Роз се здружува со животните на островот и се грижи за едно сирaче млада гуска.

Филмска приказна за потеклото на Оптимус Прајм и Мегатрон, познати како заколнати непријатели. Но, тие некогаш биле пријатели поврзани како браќа кои ја променија судбината на Сајбертрон засекогаш. Филмот е научно фантастична акција за супер херои „Трансформери еден“ и е на осмо место по гледаност во светот. 

Анимираниот „Опако, наопаку“ анимиран филм кој прв во 2024 заработи повеќе од милијарда долари.  „Опаку, наопаку“ е американски анимиран, семеен филм за сите возрасти, продолжение на  успешниот филм од 2015 година. Направете место за нови емоции со најновиот филм од Дизни! Среќата, тагата, лутината, стравот, гадливоста силно ќе бидат потресени со доаѓањето на тежината, досадата, зависта, срамот.  Филмот е во продукција на Pixar Animation Studija  и Walt Disney.