Петар Печков

Објавено: петок, 01 октомври 2021 353 102

Во Велешко  изминатите 24 часа има 15 нови случаи на лица позитивни на ковид-19 и 16 оздравени. Ова се податоци на Министерството за здравство, кое објави дека активни се 347 случаи. Има и еден починат пациент од последиците на ковид заразата, лице на 85 годишна возраст. Тој бил на болничко лекување и е 198 жртва на корона вирусот.

Вкупно се хоспитализирани 67,  од кои  54 се потврдени позитивни, четворица се  сомнителни  и девет пациенти со негативен тест но задржани на болничко лекување. На Инфективно одделение се згрижени   36, на Интерно осум и во  Модуларната болница 23.

 „На кислородна поддршка се 34 пациенти. Испишани се пет пациенти како оздравени со по  еден негативен тест“ - кажа д-р Елеонора Јованова портпарол на велешка Болница.