Петар Печков

Објавено: четврток, 06 мај 2021 653 136

Македонскиот репрезентативец Ангел Петрушев го заврши настапот на Европското првенство во кајак слалом на диви води за сениори, во квалификациите.

Во двете трки, кои се веслаа попладнево, тој не успеа да влезе  во полуфиналето, меѓу 40-те натпреварувачи.  Во првата  трка Петрушев беше  46-ти од 65 учесника, со заостанување од 19:31 секунда зад водечкиот, додека во втората трка меѓу 34  натпреварувачи беше 20-ти со заостаток зад прво пласираниот  од 26:12 секунди.

Европското првенство се одржува во италијанскиот град Ивреа.  Петрушев кој има 17 години е член на КК Вардар од Велес. Тој ќе има шанса да ја покаже неговата умешност и квалитет, меѓу врсниците на ЕП и СП за јуниори и младинци,  кои во јуни и август ќе се одржат во Словенија. Тој беше единствен учесник на ЕП од Македонија.