Петар Печков

Објавено: петок, 08 јули 2022 373 73

На патеката Иври во Италија се одржува Светското првенство во кајак на диви води за јуниори и +23. Таму се  натпреваруваат четворица македонски репрезентативци, од нив тројцата во машка конкуренција се од Велес. Тие веслаат во К-1 за јуниори.  Ангелче Петрушев уште по првата трка обезбеди пласман во полуфинале, откако беше 19 од 78 учесници. Во полуфиналето ќе веслаат 40, тоа е на програмата в сабота а Петрушев треба да стартува во 14,30ч.  Минатата година на СП за јуниори кајак на диви води-слалом, Петрушев беше 10-ти.

Во квалификациите настапија и Стефан Рибарски кој во првата трка беше 46 а во втора 31, додека Коце Игнатов беше 75 односно 36-ти (во втората трка веслаа 48 учесника). Претходно тројцата во машка конкуренција за репрезентацијата на Македонија,  веслаа екипно јуниори во 3хК-1 во состав Петрушев, Игнатов, Рибарски и беа 10-ти од  20 држави а светски првак стана Словачка. Во женска конкуренција, како јуниорка учествуваше Олгица Мелова од Демир Капија, која во К-1 беше 41 од 42 учеснички во првата трка и 23 од 24 во втората.

На ЕП во велосипедизам на хронометар настапи Виктор Ванчевски

 Во Португалија се одржува Европското првенство за јуниори и +23, во велосипедизам. Се возеше хронометар на патека во должина од 22км. Кај младите до 23, меѓу учесниците како македонски репрезентативец беше велешанецот Виктор Ванчевски. Тој од 43 учесници беше 42-ри.  Кај јуниорите од 52 учесника Александар Милошевски беше 49-ти а Лука Димитријоски беше последен 52.
 Тие ќе возат 126км од  друмската трка, која на програмата за јуниорите е в сабота од 14 ч. додека за младите до 23г. е в недела кога ќе возат  147км, стартот е исто така во 14ч.