Петар Печков

Објавено: петок, 23 септември 2022 397 57

Ангелче Петрушев е државен првак во кајак  слалом на диви води во дисциплината К-1 но и во јуниорска конкуренција. Со 18 години тој ги освои двете титули. Петрушев е член на ККК Вардар од Велес.

За потсетување, летово Петрушев го озвои 4-тото место на јуниорското ЕП во кајак на диви води, кое се одржа во Чешка а на светското кое се одржа во Италија беше 19-ти.

На државното првенство кое се одржа на патеката Матка во Скопје, втор беше Борче Мирчевски од ККК Бабуна а трет Стефан Рибарски од ККК Вардар.

Рибарски го освои второто место кај јуниорите на државното првенство кое се веслаше на реката Вардар во Велес.