Петар Печков
Објавено: понеделник, 02 октомври 2023
Се одигра третото коло од Трета фудбалска лига Југ, каде се натпреваруваат три екипи од ОФС Велес. ФК Борец победи дома со 4:0 против екипата на ФК Росоман, а дома ФК Превалец одигра нерешено со ФК Марена 1:1. ФК Локомотива во Градско водеше со 5:0 над ФК Бучин од Крушево а натпреварот бил прекинат во 40 минута бидејќи се повредиле неколку играчи од гостинската екипа па на терен останал со 6 фудбалери. Во следното четврто коло следниов викенд, ФК Борец кој е лидер со 7 бода, е слободен, ФК Превалец повторно игра дома, но овој пат со ФК Големо Коњари а ФК Локомотива гостува во прилепско Лажани кај ФК Слога.
Женската екипа на ФКЖ Борец во третото коло дома загуби со високи 0:10 од скопски ЖФК Вардар, кој годинава за прв пат е формиран и се натпреварува во Втората лига.
Се одигра второто коло од Првата ракометна лига, победа и пораз за велешките екипи. РК Бисинов победи со 42:19 (22:11) над РК Кичево во „Б“ групата, додека во „А“ групата МКР Борец загуби во Штип од РК Текстилец со 38:14 (17:7) .
| Tweet |
