Петар Печков

Објавено: петок, 03 декември 2021 726 106

Откако десетина дена опаѓаше бројот на згрижени пациенти со ковид-19 во Модуларната болница во Велес, таа од претпладнево е повторно времено  затворена.  Утрово таму имало пет пациенти, со проблеми поради корона вирусот, четворица од Велес и еден од Свети Николе. Тие беа префрлени на другите ковид одделенија.   

„Од денес се затвора Модуларната болница. Пациентите позитивни на ковид се префрлаат на Инфективно одделение, а негативните со продолжено болничко лекување, на Интерно одделение“ - кажа д-р Елена Левкова Ќулумова, портпарол на велешка Болница.

Модуларната болница во Велес започна со работа на 17 март и работеше до 26 мај, кога поради малиот број пациенти беше затворена.  Во вториот период  примаше пациенти  три месеци, од 4-ти септември до денес.