Петар Печков

Објавено: понеделник, 21 март 2022 486 92

Во петтото коло од Третата фудбалска лига Југ, домаќинот ФК Превалец победи со 4:1 (1:0) против екипата на ФК Марена, која е осмопласирана на табелата. Со оваа победа превалчани имаат победничка серија на стартот од првенството, четири настапи четири победи и се втори. А токму в среда гостуваат на првопласираната екипа на ФК Росоман во Росоман, која има еден бод повеќе но и натпревар повеќе.

Во последното 18-то коло од Првата ракометна лига група „А“ екипата на ГРК Борец загуби во Гостивар со 29:30 (17:9) од екипата на РК Јехона, која е петта во група екипи со по 27 бода. Иако на десет минути до крајот, како и во текот на сите 50 минути,  домаќините водеа со 27:22, во финишот велешани израмнија на 29:29 а  во последната секунда гостиварци постигнаа гол за радост и победа.  Натпреварот го одбележаа голем број исклучувања, вкупно 16 (девет кај домаќините и седум кај гостите) и четири црвени картони од кои еден беше за играчите на Јехона, и  тројца за  ракометарите на Борец и сите добија директни црвени картони.По овој пораз ГРК Борец остана 6-то месо со 18 бодови.

Првенството  го продолжуваат во плеј-аут системот, со уште три екипи од оваа група РК Партизан до Гевгелија, РК Шампион Скопје и РК Преспа од Ресен а постигнатите резултати се впишуваат. Ќе играат уште десет кола со екипите од групата „Б“ -РК Македонија ЃП, РК Астраион, РК Металург РА , РК Кичево и  РК Текстилец.