Петар Печков

Објавено: недела, 08 декември 2024 76 6

Кошаркарите на КК Борец баскет во дербито на 9 коло, во салата Гемиџии се сретнаа двете екипи кои го делеа врвот на табелата, домаќинот КК Борец баскет и КК Црн дрим од Струга. Велешани славеа со 87:73 (48:46). Со оваа победа велешани останаа меѓу трите екипи кои се на врвот со по 7 поебди и два порази, заедно со составите на КК Ангели и КК Соколи. Во следното коло играат повторно дома, против екипата на КК Охрид, која е 6-то пласирана со 5 победи и 4 порази.

Со победа во последното 13 коло, фудбалерите на ФК Превалец ја завршија есенската полуетапа, откако дома го победија седмопласираниот тим на ФК Питу Гули со 2:1, со гол во 90 минута. Натпреварот требаше да се игра во Крушево, но поради високиот снег кој падна вчера, договорено е средбата да се одигра во Превалец. Со оваа победа превалчани првенството го завршуваат на трето место со 21 бода. ФК Башкими од Горно Јаболчиште ова коло беше слободен, тие се вицепрвак со 22 бода. Тие ова коло требаше да играат со ФК Обршани кој се откажа по 7 коло од првенството и сите негови резултати се бришат.  Првенството продолжува напролет.