Петар Печков

Објавено: вторник, 27 март 2018 641 297

Започнаа натпреварите од разигрувањето за опстанок во Супер лигата. Во првото коло, дома во салата Гемиџии ГРК Борец победи против екипата на Прилеп 2010 со 37:30 ( 20:11). И двете екипи со подмладен состав, се борат за да  останат во најсилната ракометна конкуренција. Уште на  почетокот велешани  тргнуваат силовито поведуваат со 8:2 во 10-та минута и сите останати 50  до крајто  се во водство. Во средината на второто полувреме во неколку наврати ја  имаат и  навјисоката предност од +14 25:11, 26:12, 27:13, 28:24, за на крајот да слават со плус седум. Најефикасни во редовите на Борец беа Филип Николов со  10 и Антонио Јаневски со  9  гола.  Кај прилепчани Шокоски постигна 12 гола. По ова коло ГРК Борец е втор со 12 бода во мини лигата  со пет екипи, од која последната ќе игра бараж за опстанок. Следното коло гостуваат во Скопје на Металург 2 кој има 10 бода.

Лидерот во Првата футсал лига екипата на КМФ Велес продолжува  со серијата победи. Во Богданци славеше против  Цико со 14:8. Така останвау на првото место, пред ланскиот шампион Шкупи кој има бод помалку.   Во следното 21 коло во салата Гемиџии го пречекува тимот на Мал Ајакс од Штип, кој е 8-ми од  9 екипи.

(не)очекувано дома загубија и одбојкарите на ГОК Борец и тоа од студентската екипа на   Универзитет Гоце Делчев од Штип, со 2:3. Во неизвесен  и изедначен натпревар на две млади екипи гостите имале повеќе умешност па заминуваат  со  два бода  а  на  домаќинот му останува еден. Борец поведува  откако првиот сет  го добива   на разлика  27:25, па гостите поведуваат со 2.1 а велешани  освојуваат   по 21  поен во двата  сета, во четвртиот гостите стигнуваат до   20 поени.    Во петиот решавачки сет иако воделе  со 13:10 велешани загубија со серија  од  пет последователни поени за штипјани и за нивна победа.  По ова 14-то коло ГОК Борец останува на четвртото место, кое води во разигрувањето.   

Кошаркарите на  Борец Баскет дома со високи 37  поени предност 89:52 го победија  последниот на табелата Спартак од  Скопје, кој нема ниту една победа. По ова  15 коло велешани  се 6-ти со 23 бода и осум  победи. Во следното коло гостуваат во Куманово на екипата на Пинк Пантери која има ист скор како и велешани и е едно место погоре.