Петар Печков
Објавено: понеделник, 19 декември 2022
Трета победа по ред за кошарките на КК Борец Баскет, во Втората лига. Тие во 10 коло во салата „Гемиџии“ во Велес го победија МКК Куманово со 85:78, па сега се на 9 место, со скор 4-6, со кои излегуваат од опасната зона која води кон понискиот ранг на натпреварување. Во следното коло, последно годинава играат со екипата на КК Шкупи, која е сосед на табелата 10-та со три победи.
Ракометарите на РК Бисинов ја остварија втората победа во првенството од Првата лига група „А“. Дома се радуваа по победата од 26:25 (12:13) над екипата на РК Овче Поле која имаше четири победи досега. И по ова 12 коло, РК Бисинов е последен 9-ти но сега со 7 бода. Следното коло се слободни, а потоа првенството продолжува на крајот од месец февруари следната година.
Футсал екипата на КМФ Кеги моби во дербито на колото од Првата футсал лига, загуби дома од КМФ Арбен Бајрами со 1:;2 (0:2).. Аспирантот за првото место, кое го дели со екипата на КМФ Проект, стига до важна победа во Велес. По ова 12 коло, КМФ Кеги моби падна за една позиција и сега петти со 15 бода. Во последното коло сезонава играта на гости кај КМФ Форца, која го дели последното место со по 7 бода со КМФ Енхалон од Струга.
| Tweet |
