Петар Печков
Објавено: недела, 12 мај 2024
Два дена езеро Младост и Велес живееја со звукот на моторите и мирисот на октаните. Се одржа 13-тата „Мото бич парти“ на која учествуваа повеќе од илјада мотористи, не само од Велес, туку и од повеќе мото клубови од Македонија но и од Србија, Црна Гора, Босна и Херцеговина, Бугарија, Швајцарија, Хрватска и Косово.
На плажата од влезот на езеро Младост, две вечери се одржуваа рок концерти на кој настапија групите „Д Чикс“, „Троја“, „Бегдор бенд“ и „Хот лајн бедн“. Традиционално од езерото Младост до Велес, низ градските улици, па повторно до местото на случување, возеа околу илјада мотористи. Новина годинава е што се одржа трка во споро возење.
„Со оваа трка покажавме на дело дека не е се до брзината“ –порачаа организаторите Мото клубот „Носачи на крстот“ од Велес. На оваа трка во споро возење имаше и победници. Во категоријата над 1000 кубици прв беше Мирослав Патчев од Скопје, до 1000 кубици Крумислав Панов од Велес а до 500 кубици Карло Јованов од Велес.
Екипите на ОО на Црвен крст од Велес изведоа показна вежба за повреда по несреќа кај мотоциклист.
фото ФБ/Општина Велес
| Tweet |
