Петар Печков

Објавено: вторник, 28 јули 2026 209 3

Попладнево  избувна пожар во велешката месност „Дорутовец“, по бензинската станица на „Макпетрол“, пред влезот во Велес. 

Поради ветрот и опасноста пожарот да се прошири, раководителот на Главниот штаб за управување со кризи, Стојанче Ангелов, попладнево  активираше два авиона „ер трактор“ на Дирекцијата за заштита и спасување (ДЗС). На терен беа пожарникарите на Територијалната противпожарна единица (ТППЕ) Велес коишто дејствуваат со две противпожарни возила и шест нивни припадници.

По дејството на противпожарните авиони „ер трактор“ на ДЗС, пожарникарите на ТППЕ Велес, месно население од село Чалошево, и екипа со цистерна од ЈП ,,Дервен“ врз пожарот во месноста „Дорутовец“ во Велешко, опасноста е намалена, но пожарот е проширен во правец на патот Велес – Штип. 

Заради чадот што ветрот го носи кон автопатот, од Главниот штав за управување со кризи е побарана поддршка од МВР за регулирање на сообраќајот согласно потреби.

 фото и видео Борјан Михајловски Драган Цветиќ ДЗС