Петар Печков

Објавено: среда, 19 септември 2012 1104 295

Полициската станица во Велес со прераспределбата добила одреден број на гранични полицајци. Истите сега се прераспределени како позорникари, или службените униформирани лица кои шетаат по улиците низ градот.

Од СВР Велес  информираа дека од пред извесно време повторно е воведена позорна служба. Прераспределувањето на полициски службеници од едно на друго работно место е тековен процес кој ќе продолжи и натаму, така што во иднина очекуваат пораст на бројот на извршители. Согласно проблематиката и изготвената безбедносна проценка, од полицијата велат дека позорникарите се распоредуваат по време и место во согласност со потребите и предвидените работни задачи. Граѓаните пак очекуваат зголемена безбедност и помалку нарушувања на јавниот ред и мир.