Петар Печков

Објавено: понеделник, 30 октомври 2023 1559 31

СВР Велес до ОЈО Велес поднела кривична пријава за негувателка, од детските градинки, која овозможила  децата од групата, да користат електронска цигара.

„Отсекoт за економски криминал при СВР Велес поднесе кривична пријава против В.И.(38 год) од Велес поради постоење основи на сомнение за сторено кривично дело „несовесно работење“ казниво по член 353 од Кривичниот законик. Пријавената, вработена како негувателка во детска градинка во Велес, овозможила на деца од градинката да користат електронска цигара„ - соопшти Биљана Ѓаковска, портпарол на СВР Велес.

ОЈО Велес  претходно информираше дека започнале предистрага.  Настанот се случил ма 29 септември годинава, во клон „Маргаритка“ кој е во месноста Дворови.