Петар Печков

Објавено: понеделник, 16 ноември 2015 1236 295

Ракометарите на Борец продолжуваат  со лоши резултати во Супер лигата и серијата порази продолжува. Во дербито за дното, загубија од Пелистер во Битола со 25:20, полувреме  12:11. Велешани повеле со 6:3 во 15 минута  а потоа домаќинот израмнил и повел. Постојано бил во водство а ГРК Борец се заканил во 50-та минута кога намалил на 19:18. но немал можност за пресврт.   По 4 гола за велешани постигнаа Лазаревски, Мачавелов и Икономов додека голманот  Стојановски имал 13 успешни интервенции.  Така по првиот дел до првенството, по 9 кола ГРК Борец е претпоследен со две победи. На 18-ти, среда играат заостанат натпревар против екипата на Металург, која е лидер на табелата без загубен бод.  

 Екипата на   Велес во Првата футсал лига, загуби  од  трето пласираниот тим на  Шкупи во Скопје со 11:7. Така по 7-то коло велешани се најдоа на  8-то место од 10 екипи со 7 бодови, иако пред неколку кола беа втори. Во следното коло Велес дома го пречекува Хедис, кој е четврти до 12 бода. 

Фудбалерите на Борец загубија дома уверливо со 3:0 од екипата на Тиверија до Струмица, која беше послабо пласирана од велешанки. По ова коло ЖФК Борец е  седми со седум бодови и во последното коло в недела гостува на лидерот Драгон од Скопје.

Овој викенд се возеше и  кајак трка во чест на ослободувањето на Велес. Во конкуренција од 20-тина кајакари победи  Александар Златаров, член на кајак кану клубот Илинден 90 од Скопје, второпласиран беше Енис Небиовски а третото место му припадна на Џенгис Џан Небиовски и двајцата од кајак кану клубот Вардар од Велес.

Викендов започна и младинското првенство во одбојка, кое се игра турнирски. Без спонзори, младите сами собрале пари и се пријавиле за  ова натпреварување.  Домаќин на првиот турнир бил ОК Борец, кој забележал две победи, против Пробиштип и против  Волеј. И двете се со 2:0.