Петар Печков

Објавено: петок, 02 октомври 2015 764 299

Пет објекти на велешката детска градинка ,,Димче Мирчев,, ќе добијат термоизолациони фасади , со средства од  ЕУ. За таа цел потпишан е договор за партнерство помеѓу општините кои се вклучени во проектот, Велес како носител од македонска страна  и Прилеп и грчките Лерин како  носител, Ираклеа и Визалтиа.

Вкупната вредност на проектот ,,ЕНЕРЏИНЕТ,,  е без малку 800 илјади евра од кои 260 илјади се наменети за македонската. од нив за Велес се 160 илјади евра а Прилеп   100 илјади евра

Најважниот аспект на проектот се градежните работи што ќе ги извршиме во детската градинка „ Димче Мирчев“. 82 илјади  евра ќе бидат искористени за поставување на термоизолациони фасади за енергетска ефикасност во 5 објект, клоновите 2,3,4,5 и 6 во детската градинка „Димче Мирчев“.Со  реализацијата на овој објект ќе заштедиме енергија, но истовремено ќе придонесеме во заштитата на околината и во практичната едукација на младите генерации -изјави градоначалникот на Општина Велес,Славчо Чадиев на прес конференција.

 Учеството на Општина Велес  во проектот е 22.719 евра, за што треба одлука да донесе општинскиот  Совет. Со дел од средствата предвидена е изработка на Стратегија за енергетска ефикасност SEAF, која  ги опфаќа сите објекти во сопственост на Општина Велес и ќе понуди долгорочни решенија за енергетска ефикасност.

Истата треба да биде во согласност со стандардите на ЕУ за изработка на SEAF. Општина Велес ќе добие и опрема за отворање на кацеларија за енергетска ефикасност во која во времетраењето на проектот работно ќе биде ангажирано едно лице од редовите на Општинската Администрација.