Петар Печков

Објавено: понеделник, 22 јуни 2020 461 174

На мото патеката близу езеро Младост, се одржа првиот спортски натпревар во земјава, во услови на пандемија на КОВИД-19.

Се возеше првата трка за државниот шампионат во ендуро, возбудлива мото дисциплина, во која на одреден дел на патеката се минуваат вештачки создадени препреки.  Учествуваа 36 натпреварувачи од десетина клубови од Македонија.  

Се возеше индивидуално  и немаше контакт меѓу возачите, публика немаше,  согласно препораките од Агенцијата за млади и спорт.

Во дисциплината  Е-1 победи Драган Ванов пред Денис Гареја од СРТ Куманово и Елвир Мемедов од МК Мото  Велес.   Во славеше  Е-2 Синиша Николовски, втор беше Самет Имеров  и двајцата од Мото клубот „Мото- Велес“, кој беше и организатор на трката   додека трет беше Марко Златановски од МК Ендуро тим  Водно а во Е-3 победи Дејан Маркоски од МК „Драпачи“, пред Давид Ристов од МК Мото -Велес  и Ангелче Стојковски од МК Ендуро тим Водно.   Учесниците возеа четири  круга секој во должина од по 25 км.