Петар Печков
Објавено: среда, 24 септември 2014
Со победата од 1:0 на гостувањето во Прилеп против екипата на 11-ти Октомври, Превалец остана при врвот на Третата лига - југ. Тој е втор со ист број на бодови како лидерот Победа јуниор, по 12.
Имаат четири победи во четири кола. Бабуна е поразена со 4:3 на гостувањето во Обршани- прилепско од екипата на Партизан. Борец на домашен терен загуби со 2:1 од Вардар од Неготино, со гол примен во 87-та минута. Така по четири кола Бабуна е седма со четири бода, додека Борец е претпоследен 11-ти со еден бод.
Започна и првата лига во футсал,а на стартот висок пораз за КМФ Велес, кој во салта Гемиџии загуби со 5:1 од екипата на Јувентус Серава од Скопје. Следното коло в сабота Велес ја пречекува екипата на Тетово, кој имаше највисока победа во првото коло.
| Tweet |
