Петар Печков

Објавено: четврток, 11 јули 2024 261 15

Во текот на вчерашниот ден, на подрачјето на Велес и Кавадарци, СВР Велес реализираше превентивно едукативна активност, за носење на заштитен шлем, од страна на мотористите. Акцијата е насловена  „Носи кацига, вози внимателно“ а во Велес беше реализирана со членовите на Мото клубот „Носачи на крстот“.

„Основната цел на активноста беше зголемување на сообраќајната култура преку потсетување на сообраќајните правила, прописи и обврски за внимателно и одговорно учество во сообраќајот, а посебен акцент беше даден на носењето на кацига, како на возачите на мопеди или мотоцикли така и сопатниците, како и нејзиното значење за безбедноста на учесниците во сообраќајот. Членовите на мото клубовите ги споделија и нивните искуства, пред се на младите возачи на мопеди или мотоцикли, потенцирајќи ја важноста од носење кацига“ – соопштија од МВР.

За време на активноста биле поделени и едукативни летоци изработени од страна на Републичкиот совет за безбедност на сообраќајот на патиштата. Активноста ја реализираше Отсекот за превенција при СВР Велес, Одделението за полиција Велес и Полициската станица за безбедност на патниот сообраќај Велес.

фото МВР