Петар Печков

Објавено: понеделник, 28 ноември 2011 916 353

 Деветмина навивачи  членови на навивачката група  ,,Гемиџии,, од Велес заработија прекршочни пријави, бидејќи насилно влегоа во теренот на салата ,,Гемиџии,, соопштија од СВР Велес.

Навивачите  во саботата на ракометниот натпревар Борец – Куманово во 46,46 минута влегоа на теренот незадоволни од залагањето на домашните ракометари и поразот кој се насетуваше. Еден од нив и го турна судијата Колевски од Скопје.

Поради ова средбата беше прекината. Заради нарушување на јавниот ред и мир и  прекршок на Законот за спортски натпревари, сите тие ќе одат на суд. Од полицијата велат дека бројката од двете пријави не е конечна, бидејќи по прегледувањето на снимките и идентификувањето на насилниците тие ќе поднесат и други прекршочни пријави.

Дел од нив веќе одговарале во Основниот суд во Велес заради идентични прекршоци, пролетва од одбојкарската средба Борец- Шкендија, кога исто така насилно влегоа  на теренот и искршија стотина пластични столици.