Петар Печков

Објавено: недела, 11 ноември 2018 1115 274

Петокот навечер   во фоајето на Народниот театар „Јордан Хаџи Константинов- Џинот“ за првпат во јавноста  можеше да го види оригинално дело на истакнатиот македонски зограф и сликар Ѓорги Зографски.

Делото е портрет на Манче Данов, Манче  кујунџијата од Велес и  е во сопственост на семејството Манчеви. Делото на  Зографски кое долги години стоело во дуќанот под Саатот,  го претстави Елица Николова, кустос- историчар на уметност од Народниот музеј -Велес. 

Зографски водел сметка да ги претстави своите мецени што подостоинствено.  Портретот е со максимално доловување на физичкиот изглед на портретираниот. Обработката на лицето има примарно значење.  Неговите дела имаат повеќекратна вредност - уметничка, културно-историска, документарна - рече Николова. 

Таа порача дека на  делото му се неопходни и тоа што поскоро конзерваторско -реставраторски интервенции а потоа ќе биде откупено од страна на надлежните институции.     

Зографски според проценките нацртал околу 40-тиа портрети а 30-тина од нив се познати на јавноста. Тоа се претежно видни трговци и еснафи, кои материјално добро стоеле, сакале да се овековечат но и да му помогнат во егзистенцијата на Зографски. Меѓу нив се портретите на тогаш познати добротвори Димче Чокал, Михаило Чекардеков, Диме Јовев, Петар Здравев, Анреа Коробар.