Петар Печков

Објавено: недела, 24 октомври 2021 3668 115

Околу пладне, денес, недела, велешката полиција лишила од слобода двајца велешани. Во нивниот дом била пронајдена марихуана, но и дигитални ваги  и крушуми. Едното од лицата се сомничи за разбојништво.

„Денеска 24-ти  октомври, околу 12.30 часот во Велес, полициски службеници од СВР Велес ги лишиле од слобода Л.Л.(35) и С.Т.(46), двајцата од Велес. При претрес во нивниот дом, извршен со судска наредба, биле пронајдени и одземени марихуана, куршуми калибар 6,35 мм, шприц со непозната течност, неколку дигитални ваги, пасош на име на друго лице и други предмети. Л.Л., исто така, се сомничи дека е сторител на кривично дело "разбојништво"- соопштија од МВР.

По целосно документирање на случајот, од полицијата најавуваат дека  против двете лица  ќе бидат поднесени соодветни пријави.