Петар Печков

Објавено: петок, 16 август 2013 800 298

Градоначалникот на Велес, Славчо Чадиев ги прими Тоше Ѓорѓиев  и Марија Хаџи Ристева. Тие изминатиот период ги освоија највисокиот врв на Иран Дамаванд и на Алпите Мон Блан. За овој нивен резултат Чадиев им честиташе и им посака нови успеси, освојување на нови поголеми височини. Претседавачот на Советот Александар Колев пак најави дека и натаму финансиски  ќе ги поддржуваат планинарите во нивните експедиции. 

Но боде во  очи што на овој прием го немаше 18 годишниот Тоше Велес, исто така велешанец кој  неодамна, на шести јули го освои највисокиот врв на Европа Елбрус. Тој пред две години го освои Мон Блан и тогаш го развиори знамето на Велес таму.  Зошто беше заборавен Велес е прашањето  на кое одговор треба да даде општинската администрација, која го  организираше овој прием.