Петар Печков

Објавено: понеделник, 06 февруари 2023 2986 40

По повод патрониот празник, годишнината од раѓањето на Гоце Делчев, велешката библиотека на најредовните  читатели им додели  признанија.

Велешката библиотека „Гоце Делчев“  за патрониот празник 4 февруари, ги врачи традиционалните признанија за најредовните читатели.   За највозрасен  читател  пофалница доби Марија Питиќова, а за најмногу прочитани книги Ацо Давчевски.

Во одделот за деца на најмлад читател пофалница доби Петар Димов, а Искра Ивановска за најмногу прочитани книги од детското творештво .

За подрачната библиотека во Градско во одделот за возрасни за најчитател беше прогласена Љубица Велинова, а во одделот за деца Марија Будимова.

Посебна благодарница од  локалната библиотека „Гоце Делчев“ доби семејството Здравковски за подмирување членарина на сите ново запишани ученици во септември минатата година.