Петар Печков

Објавено: четврток, 02 ноември 2023 127 32

Четири  премиерни филмови наредните денови на репертоарот на 3Д Киноверзум Велес а вкупно ќе се прикажуваат девет филмови.

Акционата комедија „Фриленс“ каде главниот јунак,  години по пензионирањето од армијата, поранешниот специјалец Мејсон Петитс се вработува како обезбедување на новинарката Клер Велингтон.  Додека таа го интервјуира Хуан Венегас, претседател на Палдонија, избива воен удар среде интервјуто,  па тројцата се принудени заедно да избегаат во џунглата.

Американскиот хорор „Драг Дејвид“ е исто така премиераа на репертоарот. Во 2017 година, двајца тинејџери влегуваат во собата за разговор на покојниот Дејвид, тролајќи го. Откако ќе постави трето прашање за нивната идна причина за смртта, тинејџерите се убиени подоцна истата ноќ.

Српската комедија „Молњи пак“ , по големиот успех во 2001, нови авантури на главните јунаци.  Поминаа дваесетина години, а Поп сè уште сонува за музички успех, иако свири кавери на хитови од 80-тите. Неговиот пријател Маре, кој е попрактичен, заработува со доставување наргиле за тинејџери од клуб до клуб навечер. Во животот на двајцата се е исто: немаат девојки и искуства, но имаат големи стомаци.

Сите седум наредни дена ќе се прикажува документарниот филм за Раста, српски рапер „3211“. Приказната е кога го апсат и тој оди во затвор. Што самиот тој доживува во тој период.

На репертоарот е „Убијците на цветната месечина“.  Филм кој ја освои и публиката и критиката, во режија и продукција на Мартин Скорсезе, кој го напиша сценариото заедно со Ерик Рот, базирано на истоимената книга од 2017 година на Дејвид Гран. Се работи за вистински настан, Членови на Осиџ племето во Америка се убиени под мистериозни околности во 20-тите години од минатиот век, со што се предизвикува голема истрага од ФБИ со Ј Едгар Хувер. Имотот на кои тие живеат е богат со нафта.  Во главните улоги се Леонардо Ди Каприо и Роберт Де Ниро.  

Анимираниот филм „Патролни шепи: моќен филм“може да се гледа  сабота и недела попладне.   Канадски компјутерски анимиран суперхеројски филм од 2023 година заснован на телевизиската серија PAW Patrol.

Цртаниот филм„Елементал“ дело на студиото на Волт Дизни.  Филмот ги следи Ембер и Вејд - необичен пар од градот каде сите елементи – оган , вода, воздух и копно  живеат заедно. Огнената млада девојка и лабавото момче ќе откријат колку многу тие имаат взаемно.


Акционата анимирана  комедија „Тролови 3 “ две седмици пред американската премиера се прикажува во Велес. По два филма вистинско пријателство и немилосрдно флертување, Попи и Бранч, сега официјално и конечно се пар. Како што се зближуваат Попи открива дека Бранч има тајно минато. Кога братот на Бранч, Флојд е киднапиран поради неговите музики таленти, од страна на пар злобни негативци, поп ѕвездите Велвет и Венир, Бранч и Попи тргнуваат во емотивно патување за повторно да ги обединат другите браќа да го спасат Флојд од лошата судбина.