Петар Печков

Објавено: среда, 02 октомври 2013 5556 351

 Изминатиот викенд беше промовирана ново трасираната планинарска патека од селото Папрадиште до Солунска глава преку Куртовица и Голема Бабина дупка.  Таа е трасирана по планините Јакупица и Даутица, со што на посетителите им се дава можност да го видат недопрениот  предел  на овој централен дел од Македонија.  

Нејзината должина е пет часа одење, бидејќи така се мерат овие планинарски патеки, не во километри.  Таа е заеднички проект на ПК Македон од Скопје и ЕГ Зелена сила од Велес.

На нејзината промоција присуствуваа 25 лица меѓу нив и филмскиот режисер Антонио Митриќески, кој  беше дел од печашењето од домот во Папрадиште до Голема Бабуна дупка.Во ова друштво беа и велешанката Марија Хаџи Ристова која го освои летово Мон Блан и Тоше Ѓоргиев кој го освои Дамаванд во Иран

Досега имаше една планинарска патека, од Папрадиште до Солунска глава преку Чеплес, додека новата дава можност за откривање на друг дел од овој прекрасен  планински предел.