Петар Печков

Објавено: среда, 31 август 2022 201 72

Се промовираше книгата „Тркало на животот“ од авторката Ленче Китанова, просветен работник во училиштето во Лозово.  Промотор на книгата беше Наташа Брезовска Богоевска.

„Романот „Тркало на животот“ е семеен роман во кој Китанова семејството го става на највисокиот пиедестал. И повторно не она идеално семејство од реклами, туку семејство од нашата околина, со сите негови недостатоци. Иако на моменти сурово ја искажува вистината, не заборава да ни потенцира дека вистинската љубов и вистинското почитување се најсилните нешта. Самиот наслов на романот „Тркало на животот“ ни ја дава метафората на живеењето, наизменично менување на тагата и радоста, добивката и загубата“ “, рече промоторот Наташа Брезовска Богоевска.

Ленче Китанова е автор на семејни романи „За една вистина“, „Зошто станав калуѓерка“ и „Тркало на животот“, збирките раскази „Приказни на една младост“, „Графитот, рака, мерак и глупак“, збирките поезија „На заминување“ и „Тунел“. Таа во 2015  година го добива признанието Наставник на годината во Македонија. Промоцијата на книгата  и организатор на настанот беше Локалната библиотека „Гоце Делчев“ од Велес.