Петар Печков

Објавено: четврток, 25 октомври 2018 494 249

Авторот Божидар Јовиќ вчеравечер  во Ликовен салон ја промовираше неговата стихозбирка ,,Извори во животот,, негово осмо дело. Претходно тој пишуваше стручна литература, од областа на образованието, напиша и роман а сега твори поезија.  

Ова е мое откривање на животот, на радоста, на достоинството.  Во моите претходни дела бев свртен кон стручната литература, кон природата и љубовта, овде се обидувам да го откријам животот со сите негови белези, достоинството. Тука го откривам сонетен венец кој е ретка појавата  во создавањето и се вика поетски лиризам. Тоа е градење на содржината која преврива во Вас а сакате  да ја пренесете до младата генерација - кажа авторот Јовиќ.  Промотор на книгата ,,Извори на животот,, беше писателот  Игор Крајчев.

Ова е е ново интересно видување на Божидар Јовиќ, се гледа дека расте како автор. По пауза од три години добивме книга поезија, по ланскиот роман. Добивме нова свежина, растење како автор. Не може да се ослободи од неговата учителска дејност, што цел свој работен век ја вршел. Таа нежна поетска лирика во  оваа книга кулминира, и цела заљубеност во природата со ова книга е донесена до совршенство - рече Крајчев. 

Организатор на промоцијата беше Клубот на писатели ,,Коста Солев Рацин,, и Градската библиотека ,,Гоце Делчев,,.