Петар Печков

Објавено: понеделник, 06 април 2020 7897 157

Утрово мртви во нивниот стан во новиот дел на Велес близу Детската градинка кај Жаба зграда, на ул. Ѓорѓи Војтех бр.4 пронајдени се мајка и син.  Станува збор за  Катица  (79 год) и Ванчо (53 год) Манојлови. 

Нив ги немало подолго време па соседите утрово алармирале, по што пожарникарите влегле во станот, по барање на СВР Велес.  Екипа на Итната помош била на лице место и според портпаролот д-р Страхил Тодоров, констатирала смрт кај двете лица.

Соседите ги немам видено четири месеци. Старицата беше слепа и неподвижна а синот имаше психички проблеми. Не правеа белја, но немаше кој да се грижи за нив, немаат блиски во Велес - изјавија соседите.   

Додаваат дека финансиите не биле проблем за ова семејство кое било материјално обезбедено, но не и згрижено, бидејќи било од ранливата категорија.  На едниот дел од нивниот стан се забележуваат трагите од пожарот кој избил во домот, пред неколку години а се уште не беа санирани.  

Од СВР Велес го потврдија настанот вршат увид на местото, од ОЈО Велес дека телата на починатите ќе одат на обдукција.