Петар Печков

Објавено: петок, 22 мај 2020 1171 177

Пцовисаните свињи, кои пред месец дена беа пронајдени во околината на Велес, не се болни од опасни  заразни болести, актуелни во животинскиот свет и не се закана по околината, информираа од Агенцијата за храна и ветеринарство.  Случајот од   ветеринарна  страна   бил  затворен. 

Дилемата  дали  угинатите свињи имаа  опасна заразна болест е расчистена.  Надлежната лабораторија  од Ветеринарен факултет, констатира дека нема африканска свинска чума или класична свинска чума. Направивме истрага по фармите кои се во близина на местото каде беа пронајдени пцовисаните свињи и нема констатирано дека тие се сопственици.   Најверојатно причината за смртта е угушеност  или несоодветен транспорт на животните. Но за тоа одговор ќе треба да даде МВР, бидејќи случајот е препратен кај нив“ - информираше  Фирус Мемед,  заменикот директор на Агенцијата за храна и ветерина. 

Десетте угинати свињи беа   пронајдени на 14-ти април годинава,  иако биле фрлени на тоа место пет дена порано а по реакцијата на жителите на блиското село Мамутчево . Пцовисаните свињи беа  закопани  во јама длабока три метра, гробницата дезинфицирана и попрскана со вар.