Петар Печков
Објавено: понеделник, 24 јуни 2024
Пожарите кои секое лето се присутни на територијата во земјава, а со тоа и во поширокиот велешки регион, заедно со соседните општини Чашка и Градско, беа повод за зааеднички состанок на повеќе институции, надлежни секој во својата област, за справување со огнената стихија. Таа и деновиве е присутна во општината кога гореа големи пожари, за среќа само на сува трева и нискостеблеста шума и неразвиена вегетација.
„На иницијатива на Полициска станица од Општа надлежност Велес и Отсекот за превенција при СВР Велес, реализирана е работна средба со претставници од Територијалната противпожарна единица Велес, Регионален центар за управување со кризи Велес, Дирекција за заштита и спасување Велес, Ловно друштво „Руен-Велес“, Планинарско друштво „Гемиџии 903“ од Велес и општина Велес. Работната средба беше одржана со цел заедничко превентивно делување за спречување на пожари, како и координирано заедничко делување при евентуално настанат пожар“ – соопшти Биљана Ѓаковска портпарол на СВР Велес.
| Tweet |
