Петар Печков

Објавено: петок, 28 јануари 2022 3711 83

Во текот на вчерашниот ден попладне се случил инцидент на работно место, на вработен во велешка фирма, која работела на поправка на кров во Маслодајна. Лицето родено 1986 години,според сведоците паднало од висина од 15-тина метри.

„Во 15.05 ч. добиен е повик за лице кое паднало од висина и екипа веднаш  заминала на местото. Таму е пронајден повреден  во без сознание, со политрауми. Згрижен е на лице место, дадена неопходна  лекарска помош и префрлен на хируршко одделение  на  понатамошна постапка“ - кажа д-р Василка Пановска, началник на Итната помош во Велес.
 Од велешката Болница кажаа дека пациентот  бил со тешки повреди.

„Донесен е пациент на 35 годишна возраст, со политрауми, реанимиран а поради сериозноста на повредите на главата е упатен на Клинички центар Скопје“ - рече д-р Елена Левкова Ќулумова, портпарол на велешка  Болница.

Ниту по 24 часа, СВР Велес не соопшти детали за инцидентот во кој едно лице се здоби со животно загрозувачки последици.