Петар Печков

Објавено: четврток, 01 март 2012 1437 360

Вчера попладне околу 17 часот на улицата Ѓорѓи Димитров во Велес извршено разбојништво над лицето Б.Ц. (77) од Велес од непознато лице кое  ја пресретнало оштетената  и ја нападнало. Откако  ја прашало каде живее лице по име Зоран потоа со употреба на сила со една рака ја фати за левото уво и и ја откинал златната обетка,  а од   левиот џеб од нејзиното палто одзел една банкнота од 1.000 денари по што побегнал со такси.

Постапувајќи по пријавата велешката полиција  во 21 часот истиот ден сторителот го пронашла и привела. Извршено е препознавање  од страна на старицата која го идентификувала. Станува збор за Сефа  Д. ( 32 год) од Велес  против кого е поднесена кривичната пријава за “разбојништво“  и е  изведен пред истражен судија.

СВР Велес во моментов работи на целосно документирање и на други, вкупно 20, кривични дела – “тешка кражба“ и “кражба“ за кои постојат основи за сомнение дека приведениот  Сефо .Д. ги сторил во изминативе три месеца на подрачјето на Велес. На осомничениот му се изрекувани и затворски казни.